Борбордук "Ала-Тоо" аянтындагы концерттен улам, кечки саат 5.30дан тарта Чүй проспектисинин Тыныстанов көчөсүнөн Логвиненко көчөсүнө чейинки бөлүгү жабылган.
Киев көчөсү бир тараптуу болуп калганын эске алганда оңбогондой автотыгын болду. Өзгөчө, Чүй менен Абдрахманов көчөлөрүнүн кесилишинде жана Токтогул менен Фрунзе көчөлөрүнүн кесилишинде машиналар көпкө дээрлик токтоп турду.
Социалдык тармактын колдонуучулары автотыгын жөнүндө билдиришкен. Машина көп чогулган жерлерди жол кайгуул кызматынын өкүлдөрү жөнгө салып турушту.
