БИШКЕК, 1-дек. — Sputnik. Эстебес Турсуналиев атындагы "Эл ырчысы Эстебес" фольклордук тобу 5-декабрда "Бирик кыргыз, бириккенде байрагың бийик кыргыз!" аттуу чоң программадагы концертин тартуулайт. Бул тууралуу Маданият, маалымат жана туризм министрлиги билдирди.
Концертке КР Эл артисти Нуржамал Табалдиева, дастанчы Өмүрзак Кайыпов, аваз чебери аспапчы Асылбек Насирдинов, эл сүймөнчүгүнө татыган таланттуу ырчылар Гүлгаакы Сагындыкова, Талант Сыдыков, Мээрим Карыпова, Таалай Иманкулов, Турдукан Сарбанова, Өскөн Дүйшөнбиев, Элзар Өскөнбаева катышат.
Андан сырткары, эл аралык, кыргыз-казак айтыштарынын бир нече жолку жеңүүчүлөрү-Амантай Кутманалиев, Аалы Туткучов да концертти коштойт.
"Эл ырчысы Эстебес" фольклордук тобунун көркөм жетекчиси Аалы Туткучов.
