БИШКЕК, 6-дек. — Sputnik. Сириянын президенти Башар Асад Россиянын ДАИШке каршы күрөшү коалициянын аракетине караганда бир топ натыйжалуу экенин The Sunday Times басылмасына берген интервьюсунда билдирди.
Өлкө башчы коалициянын операциясына бир жыл толгонун, бул бакыт ичинде террористтик уюмдун арышы ээн-эркин кеңейип келгенин белгиледи.
"Орустар түздөн-түз кийлигишкенден кийинки окуя кандай болду? ДАИШ, "Джебхат ан-Нусра" сыяктуу уюмдар кирерге ийин таппай турушат", — деди Асад.
Муну менен бирге президент Улуу Британия менен Франция өлкө жетекчилигинин уруксатысыз Сирияда аба операцияларын баштап мыйзам бузуп жатканын кошумчалады.
"Бул Сириянын расмий бийлиги менен кызматташуунун шартында гана мыйзамдуу аракет болуп саналат. Чындап келгенде Улуу Британиянын да, Франциянын да терроризм менен күрөшүүгө ниети жок", — деди президент.
Өлкө башчы Сирияда кандуу кагылыш башталгандан тарта террорчуларды колдоп келгендердин арасында Париж менен Лондон да болгонун белгиледи.
