БИШКЕК, 8-дек. — Sputnik. Бишкек — Торугарт унаа жолунун 104-чакырымында "Лексус LX-470" унаасы менен жолдон өтүп бара жаткан жолоочуну коюп, алган жарааттарынан улам ал каза болгонун Чүй ОИИБ билдирди.
Маалыматка ылайык, кырсык 7-декабрь күнү саат 20.30да болгон. 57 жаштагы айдоочу батышты көздөй бара жатканы белгилүү болгон. Жабыркаган жолоочу аймактык ооруканага жеткирилгенден кийин реанимацияда эсине келбей жатып каза болгон. Ушу тапта анын аты-жөнү такталууда.
Унаа айып короого токтотулуп, учурда окуянын чоо-жайы иликтенүүдө.
