Тоолор тоого уламалап улашып, Кыргызстандагы тоолордун он төрөсү

Арашан капчыгайы келген адамды асман тиреген карагайлары жана кооздугу менен таң калдырат. Бул аймакта козу карындан баштап, түрдүү жапайы мөмө-жемиштерге чейин өсөт. Өзгөчө тоо бетин кулпурта өскөн гүлдөр да келген кишини кайдыгер калтырбайт

Бул аймактын көпчүлүк бөлүгүн "Арашан" мамлекеттик жаратылыш коругу ээлейт. Көк тиреген аска-зоолордун арасында өскөн карагайлар

Сары-Челек — Көз жоосун алган эң кооз көлдөрдүн бири. Ал деңиз деңгээлинен 1940 метр бийиктикте Чаткал тоо кыркасында орун алган. Жаратылышынын сулуулугу көз талдырат. Сары-Челек көлү Бишкек шаарынан 500 чакырым жана Ош шаарынан 300 чакырым алыс жайгашкан

Ысык-Көл Кыргызстандын бермети болсо, Сары-Челек тоо көлүнүн бриллианты десек эч жаңылышпайбыз

Сары-Челектин түндүк жээги карагай жана арча менен курчалган. Мелүүн соккон жел арча, карагайдын аңкыган жытын айланага таратат

Баткен облусунун Самаркандык айылынан 18 чакырым батыш тарабында, Шадымир өзөнүндө Сары-Тоо жайгашкан. Топурактын түрдүү түстө болушу адамдын көңүлүн бурат

Бул көз жоосун алган кооздук бир убакта байыркы Сармат көлүнүн түбү болгон делинет. Тоодон омурткасыз жандыктардын калдыктарын жана издерин табууга болот

Кыргызстандын да Grand Canyon аймагы бар. Ал Коңорчок дарыясынын аймагында жайгашкан. Бул коньондор миңдеген жылдар бою суу менен шамалдын күчүнөн пайда болгон

Коңорчок коньону Кыргыз Ала-Тоо тоо кыркасынын түштүк бөлүгүндө орун алган. Тоо боорундагы үңкүрлөр атайын салынгандай таасир калтырып, өз кооздугуна кишилерди сыйкырлап алат

Кыргызстан — көк тиреген тоолордун жана көз жоосун алган гүлдөрдүн мекени

Шалбаа талааны ээлеп, айланага өзүнчө көрк берет (июль айынын аягы)

Кажырты – бийик тоолордун арасынан орун алган Соң-Көлдөн агып чыккан жалгыз дарыя

Көк-Жерти коньону туристтердин эң жакшы көргөн жери. Ал өзүнүн кооздугу менен арбап турат

Ачык асман алдындагы Саймалуу-Таш. Ал Жалал-Абад облусунун Казарман айылына жакын жерде орун алып, 3000 метр бийиктикте жайгашкан. Бул жерде 90 миңдей петроглифтер бар

Саймалуу-Таш петроглифтери коло доорунан тарта (III кылым – I миң жылдыктын башталышы) биздин эрага чейинки жана биздин кылымдын VIII мезгилин камтыйт

Ысык-Көл облусундагы Ак-Шыйрак тоо кыркасы Терскей Ала-Тоо тоо кыркасынын борбордук бөлүгүнөн түштүктү карай жайгашкан

Ак-Шыйрак тоо кыркасы Кыргызстандын борбордук Тянь-Шань муз каптаган тоо түйүндөрүнүн эң ириси

Барскоондогу шаркыратманын кышкы көрүнүшү

Барскоон капчыгайы Караколдон 90 чакырым алыс жайгашкан

Урчук-Таш аймагы жер кыртышынын тектоникалык жылууларынан улам пайда болгон. Кызыл-тазыл өңү аны башкалардан айырмалап турат

Урчук-Таштын геологиялык катмарынан байыркы деңиздердин калдыктарын, сейрек кездешкен геоморфологиялык ландшафтарды көрүүгө болот.