БИШКЕК, 16-дек. — Sputnik. Кыргызстандын милиционерлери россиялык өндүрүшчүлөрдүн колунан чыккан кийим-кече менен камсыздаларын ИИМ билдирди.
Маалыматка ылайык, тийиштүү форманы Россиядан Кыргызстанга жеткирүү боюнча келишим үстүбүздөгү жылдын 22-июлунда түзүлгөн. 155 тонналык кийим-кеченин жалпы суммасы 68 миллион рублди түздү.
"Формадан тышкары индивидуалдуу кийим-кече тигүү кездемелер да келди. Сапаты абдан жакшы", — деп айтылат билдирүүдө.
Министрлик жакын арада жаңы форма милиция кызматкерлерине бериле баштай турганын белгиледи.
