БИШКЕК, 17-дек. — Sputnik. Декабрь айынын башталышынан бери Улуттук банк валюта рыногуна 14,7 миллион доллар сатканы мекеменин сайтында жарыяланган.
Экономика жана өнөр жай министрлигинин маалыматы боюнча, жыл башынан бери сом долларга карата 26,7 пайызга арзандаган. Быйыл Улуттук банк орточо эсеп менен чет элдик валютанын курсун турукташтыруу үчүн күнүнө 740 миң доллар коротуп келди.
Жыл башынан бери Улуттук банк 31 ирет интервенцияга чыгып, анын 26 жолкусунда чет элдик валютаны сатып, бешөөндө аны сатып алган. Ноябрь айында валюта рыногуна беш жолу чыккан.
Жалпысынан үстүбүздөгү жылы Улуттук банк 308,3 миллион доллар сатып, 43 миллион 950 миң доллар сатып алган.
Интервенция жүргүзүүдө эл аралык валюта резерви колдонулат. Үстүбүздөгү жылдын 1-ноябрына карата резевдин көлөмү 1 миллиард 737 миллион долларды түзгөн.
