Месси ECA версиясы боюнча мыкты футболчу деп табылды

БИШКЕК, 28-дек. — Sputnik. Каталониянын "Барселона" командасынын чабуулчусу Лионель Месси Европа ассоциация клубунун (ЕСА) версиясы боюнча өтүп бара жаткан жылдын мыкты футболчусу деп табылды.

Globe Soccer Awards башкы байгеси Дубай шаарында тапшырылды. Мыкты футболчу наамына Мессиден тышкары Италия курама командасы менен "Ювентустун" дарбазачысы Джанлуиджи Буффон жана "Реалдын" чабуулчусу Криштиану Роналду ат салышты. 

Мыктыларды футбол дүйнөсүндөгү төбөсү көрүнгөн адистерден түзүлгөн комиссия аныктады.

All the Winners of the #GlobeSoccer #Awards #2015 https://t.co/96LOSzTndV #DubaiSC #Kooora pic.twitter.com/CrwYecSGCG

— Globe Soccer Awards (@Globe_Soccer) December 27, 2015

Жылдын мыкты клубу болуп "Барселона" аталды. "Мыкты президент" номинациясы ошол эле клубдун башчысы Хосеп Мария Бартомеуга ыйгарылды.

Машыктыруучулардын ичинен бельгия командасынын насаатчысы Марк Вильмотс мыкты деп табылды. Жылдын орбитри өзбекстандык Равшан Ирматов аталса, португалиялык Жорже Мендеш мыкты агент болду.

Месси учурда футбол дүйнөсүндөгү эң абройлуу сыйлык — "Алтын топко" талапкер болууда. Бул титул үчүн Месси менен бир клубда ойногон неймар жана португалиялык Криштиану Роналду күч сынашып жатат. Жеңүүчү январь айында аныкталмакчы.