БИШКЕК, 31-дек. — Sputnik. Бишкек шаарынын борбордук аянтында бүгүн коомдук тартипти 1500дөй милиция кызматкери сактай турганын ШИИБден билдиришти.
Маалыматка ылайык, 29-декабрдан 1-январга чейин шаардык милициянын 2200 кызматкери күчөтүлгөн тартипте иштейт.
Өзгөчө көңүл иш чаралар көп боло турчу жерлерге бурулат. Алар: "Ала-Тоо" аянты, эски аянт, парктар. Андан сырткары борбордук аянттын айланасы курчоого алынып, мас абалындагы жарандар киргизилбейт.
ИИМден билдиргендей өлкө аймагындагы укук коргоо органдары күчөтүлгөн режимде кызмат өтөп жатат.
