БИШКЕК, 31-дек. — Sputnik. Тажикстандын Билим берүү министри Нуриддин Саид мектептерге жана жогорку окуу жайларына жаңы жыл майрамына карата балаты коюуга тыюу салды.
"Балатыларды кыйып орнотуу, пиротехника пайдалануу, майрамдык дасторкон даярдоо, белек тапшыруу, майрамды окуучу жана студенттердин ресторандарда белгилөөсүнө тыюу салынат", — деп айтылат документте.
Мекеме жаңы жылдык майрамды утурлай билим берүү жайларында спорттук жана маданий иш-чараларды уюштурууга чакырат.
Мындан тышкары, документте 2015-жылдын 25-31-декабрында жана 2016-жылдын алгачкы күнүндө окуу жайларда кезмет уюштурулуп, өрт коопсуздугу сакталышы керектиги белгиленет.
Мындай буйрук эки жылдан бери аткарылып келет.
