БИШКЕК, 1-янв. — Sputnik. Ноокен, Базар-Коргон, Сузак райондорунда, Жалал-Абад шаарында жана Арсланбоб өрөөнүндөгү айылдарда экстремисттик аракеттердин алдын алуу боюнча профиликатикалык иликтөө иштери жүргүзүлдү. Бул тууралуу ИИМдин маалымат кызматы билдирди.
29 Бештин айы 2015, 13:56
Маалыматка ылайык, 31-декабрда ИИМдин 10-башкы башкармалыгы Жалал-Абад облусу боюнча ИИБдин жана УКМКнын бөлүмдөрү менен биргеликте "Хизб ут-Тахрир" экстремисттик уюмунун 17 мүчөсүнүн жашаган жерлерин тинтүүгө алышкан.
Бул профилактикалык иш чаранын жыйынтыгында 150дөн ашык экстремисттик маанайдагы китеп, 200дөй баракча, флеш-карта, компакт-диск, чөнтөк телефон, планшеттер, видеокамера, видео жана аудиокассеталар, фотоаппарат, газит, ок дарылар жана "Бекас-12" үлгүсүндөгү курал табылган.
Алынган материалдардын бары атайын экспертизага жөнөтүлгөн.
Учурда аталган аймакта экстремисттик аракеттердин алдын алуу боюнча түшүндүрүү жана ыкчам иш аракеттер көрүлүүдө.
