БИШКЕК, 3-янв. — Sputnik. Ош шаарынын мэри Айтмамат Кадырбаев кечээ калаадагы "Кулатов" кичи районундагы көп кабаттуу үйлөргө жылуулуктун берилиш сапатын текшерип чыкты. Бул туурасында Ош шаарынын мэриясынын маалымат кызматынан билдиришти.
4 Жетинин айы 2015, 09:28
Өткөн жылдын 24-декабрында аталган кичи райондогу № 12, 13, 14 көп кабаттуу үйлөрдүн жашоочулары мэрге жылуулук менен камсыздоону жакшыртуу өтүнүчү менен кайрылышкан. Мэриядан "Жылуулук менен камсыздоо" муниципалдык ишканасына кубаттуулугу 1 мегаВатт болгон кошумча от казанын орнотууга тапшырма берилип, ал 29-декабрда аткарылган.
Бул иштерден кийин шаардын жашоочулары мэрге ыраазычылыгын билдиришти деген билдирүү таратты мэриянын маалымат кызматы.
"Кыргызстанда материалдык-техникалык базасы жакшыртылган жылуулукту камсыз кылган биздикиндей бир дагы ишкана жок. Андыктан, үйлөрдү жылытуу эң жогорку сапатта болушу керек", — деген мэр Кадырбаев.
Аталган үйлөрдө 180ден ашуун батирлер бар.
