БИШКЕК, 6-янв. – Sputnik. Аскер прокуратурасы Коргоо министрлиги жана "Аскер курулуш" ишканасынын кызматкерлерине карата козголгон кылмыш ишти иликтөөнү улантып жатканын Башкы прокуратура билдирди.
Буга чейин Коргоо министрлигине караштуу мекемелерди оңдоо, капиталдык ремонттон өткөрүү иштеринде бир топ мыйзам бузуулар аныкталып, алдын ала маалымат боюнча мамлекетке 10 миллион сомдон ашуун зыян келтирилген. Мында бюджеттен курулуш үчүн бюджеттен каралган акча "Аскер курулуш" ишканасы аркылуу коммерциялык компанияларга которулуп, жеке максатта пайдаланылып келген.
"Тергөөнүн жүрүшүндө аталган уюмдар министрлик жана ишкана кызматкерлери менен биримдикте иш жүргүзүлүп келгени аныкталды", — деп айтылат билдирүүдө.
Учурда иликтөө иштери улантылууда.
Коргоо министрлиги 2015-жылдын ноябрь айынан баштап Коргоо иштери боюнча мамлекеттик комитет болгон.
