БИШКЕК, 8-янв. — Sputnik. Балдарды үч жашынан баштап тамга тааныта баштоо керектигин окумуштуулар Child Development журналына жарыялаган макаласында билдиришкен.
Алардын айтымында, дал ушул куракта наристенин сүрөттү жазуудан айырмалай турган жөндөмү пайда болот.
"Биздин изилдөөлөр балдардын тамганы айыра билүү жөндөмү таң каларлык эрте пайда болорун көрсөттү. Буга таянып баланын эрте жашында эле ийгилик жаратары же кошумча жардамга муктаждыгын аныктоого болот", — дейт Вашингтондун Сент-Луис университетинен Ребекка Трейман.
Тажрыйба үч жашар бала сүрөт менен тамганы толук айырмалай ала турганын аныктаган. Илимпоздор балдарды эрте эле тамга тааныта берүү керектигин белгилешүүдө. Алардын айтымында, бул наристенин кийин канчалык деңгээлде окууну өздөштүрүп кете турганын же кошумча жардам керектигин так ажыратып берет.
