БИШКЕК, 9-янв. — Sputnik. Согушкерлер швейцариялык Беатрис Стокли аттуу аялды Томбукту шаарынан уурдап кеткенин РИА Новости маалымат агенттиги Франс Пресске шилтеме берүү менен билдирди.
"Согушкерлер тарабынан уурдалган Беатрис Швейцариянын жараны болгон", — деп билдирет Франс Пресс жергиликтүү бийлик органдарына таянуу менен.
Малинин коопсуздук кызматы бул маалыматты тастыктап, белгисиз куралчандар түндө үйүнө киришкенин билдирди.
Беатрис Стоклини 2012-жылы апрель айында дагы уурдап кетишкен. Анда согушкерлер аялды Буркина-Фасо бийлигинин жардамы менен кое беришкен.
Малинин бийлиги былтыр ноябрь айында согушкерлер Radisson мейманканасына кол салгандан кийин өлкөгө өзгөчө кырдаалдарды жарыялаган. Бул кол салуудан 170 киши согушкерлер тарабынан туткунга алынган. Аларды куткаруу учурунда 27 киши каза болгонун бийлик маалымдаган. Кийин өзгөчө кырдаалдар 2016-жылдын 31-мартына чейин узартылган.
