БИШКЕК, 18-янв. — Sputnik. Футбол боюнча Кыргызстандын курама командасы FIFA рейтингинен бир орун төмөндөшү мүмкүндүгүн rankings.info порталы билдирди.
Бул жылдын 7-январында жарыяланган FIFA уюмунун акыркы маалыматына ылайык, Кыргызстандын курама командасы 324 упай менен 107-орунду ээлеген.
Football-rankings.info порталынын божомолу боюнча FIFA уюмунун 4-февралда чыга турчу жаңы рейтингинде Кыргызстан бир орун төмөн түшүп, 108-орунду ээлейт. Команданын упайлары эч өзгөрүүсүз калган.
Рейтингдин көч башындагы командалар өзгөрбөйт. Үчилтикте кайтадан эле Бельгия, Аргентина жана Испания кирет.
