БИШКЕК, 19-янв. — Sputnik. Республикада 1-январдан тарта тамекиге салынган акциздин баасы кымбаттады деп билдирди Sputnik Кыргызстан маалымат сайтына Мамлекеттик салык кызматынын акциз бөлүмүнүн жетекчиси Нурлан Жумабеков
Анын айтымында, быйылкы жылдан тарта акциз баасы чыпкасы жок тамекинин 1 миң даанасына 100 сомдон 400 сомго чейин өстү. Албетте, муну менен чекене баа да көтөрүлөт.
Ал эми чыпкалуу тамекилердики мурдагы 750 сом өлчөмүндө эле калды.
"Келерки жылдан тамекининмындай түрүнө тарта акциздик салыктын баасы кымбаттайт, тагыраагы ал миң сомго жетсе, чыпкасы жокторунуку 950 сомго чыгат", — деди Жумабеков.
Аны менен катар эле ичимдиктерге салынуучу салыктын бул түрү акырындап көтөрүлөйт, бирок, канчага чыгаары азырынча белгисиз. Булардын баары чылым жана ичимдиктерге салынуучу акциздин наркын Евразиялык биримдиктин аймагындагы өлкөлөрдөгү бааларга жакындатуу максатында жасалууда.
