БИШКЕК, 21-янв. — Sputnik. Аламүдүн районунун борбордук китепканасында 1916-жылдагы трагедиялуу окуялардын 100 жылдыгына арналган "Тарых сабактары" аттуу бир айлык башталды. Бул туурасында Маданият, маалымат жана туризм министрлиги билдирди.
Маалыматка ылайык, иш-чара каргашалуу окуяга байланыштуу сүрөттөр жана документалдык материалдар менен коштолгон көргөзмө ачылды. Анда Мамлекеттик тарых музейинин кызматкерлери кыргыз элинин улуттук-боштондук кыймылы тууралуу кеңири айтып беришти.
"Тарых сабактары" 21-февралга чейин уланып, билим берүү жана маданият мекемелеринде ар кыл иш-чаралар өткөрүлмөкчү.
