БИШКЕК, 25-янв. — Sputnik. Бишкектин көчөлөрүндө айдоочуларды этият болууга чакырган плакаттар пайда болду.
Алсак, Абрахманов көчөсүндө көпүрөнүн алдында "Биз мектепке жөнөдүк, абайлагыла", "Биз жол коопсуздугун каалайбыз" жана "Жолдон коркпой өткүм келет" деген плакаттар илинип турат. Колго жасалган бул плакаттардын аягында "балдар" деген жазуу бар.
Социалдык тармактарда мындай эскертүүлөр шаардын бир нече бөлүктөрүндө илинип турганы айтылууда. Азырынча идеянын демилгечиси белгисиз.
Дүйшөмбүдөн баштап окуучулар 31-декабрдан 25-январга чейин созулган кышкы каникулдан кийин мектепке бара башташты.
Балдар үчүн жол эрежелери
