Шаршемби күнү Мамлекеттик экотехинспекция Бишкектин ТЭЦиндеги радиактивдүү көрсөткүчтөрдү текшерүү боюнча рейдге чыккан. Натыйжада радиациялык фон тийиштүү чектен ашып кеткени белгилүү болду.
Дозиметр көрсөткөн натыйжалар боюнча, текшерилген жерлерде эң жогорку радиация Ала-Тоо аянтында болуп чыкты. Ал жерде жабдыктын көрсөткүчү орто эсеп менен саатына 0.25 микрозиверти (МкЗв) түзгөн. Мамлекеттик экотехинспекциясынан билдиришкендей, Кыргызстан боюнча күндөлүк радиациялык фон саатына 0,30 микрозиверттен ашпоосу керек.
- Чынында, Гейгердин эсептегичи саатына 0.17 МкЗв көрөсөттү.
- Ош базарында саатына 0.14 МкЗв, Байтик Баатыр жана Горький көчөлөрүнүн кесилишинде 0.12 МкЗв көрсөттү.
Sputnik Кыргызстан ченөөлөр Мамлекеттик санитардык-эпидемиологиялык көзөмөл борборунун лабораториясынан тыш, LKNDT кытай өндүрүмүнөн чыккан аспап менен жүргүзүлгөнүн эскертет. Жыйынтык расмий лабораториялык көрсөткүч болуп эсептелбейт.
- Саатына МкЗв — гамма жана рентген нурларынын бөлүкчөлөрү камтылган радиациялык нурланууну өлчөө бирдиги.
- Саатына 1.00 МкЗв — Токиодон Нью-Йоркко Жер шарынын түндүк чокусу аркылуу уча турган учактын пилотуна тие турган нурлануунун көлөмү ушунча.
- Саатына 2.28 МкЗв — Россиянын РОСАТОМ атомдук өнөр жайында иштегендер үчүн жол берилет деп эсептелүүчү нурлануунун көлөмү.
- Саатына 11.42 МкЗв — адамда рак оорусуна алып келе турган коркунучтуу шишик пайда болуу кооптулугу жогорулайт.
- Саатына 40.00 МкЗв — дал ушундай радиациялык деңгээл 1986-жылы ЧАЭСке чектеш аймактардын тургундарын көчүрүүгө аргасыз кылган.
- Саатына 114.15 МкЗв бир жолку өлчөмү — нурлануу оорусун жаратып, жүрөктү айлантат жана канда ак түстүү заттын төмөндөшүнө алып келет, бирок өлүмгө жеткирбейт.
- Саатына 570.77 МкЗв бир жолку өлчөмү — мынчалык нурланууга дуушар болгон адамдардын 50 пайызга жакыны 30 күн ичинде көз жумат.
