БИШКЕК, 2-фев. — Sputnik. Бишкектин 13 жогорку окуу жайынын студенттери үчүн диний экстремизмдин алдын алуу боюнча лекциялар башталганын Билим берүү жана илим министрлиги билдирди.
Маалыматка ылайык, курстар кечээ, 1-февралда башталып, 10-февралга чейин уланмакчы. Лекциялар "Кыргызстандын дин жаатындагы мамлекеттик саясаты" жана "Диний радикализм менен экстремизмдин алдын алуу" темалары боюнча өтүүдө.
Иш-чара аталган министрлик менен Мамлекеттик дин иштери боюнча комиссия тарабынан уюштурулууда.
