БИШКЕК, 2-фев. — Sputnik. Бала бакчага барбаган наристелер үчүн атайын окуу пособиелери иштелип чыкканын Билим берүү жана илим министрлиги билдирди.
Маалыматка ылайык, мында кошумча каражаттар — методикалык пособиелер, көрсөтмө куралдар, акыл-эс өстүрүүчү оюнчуктар мектепке бир жыл ичинде даярдоо каралган 480 сааттык "Наристе" программасы боюнча иштеген мугалимдер үчүн даярдалды.
Программа 6 жашка чейинки балдарды окутууга багытталып, улуттук жана чет элдик программаларды эсепке алуу менен иштелип чыкты.
Кошумча каражаттар Дүйнөлүк банк тарабынан каржыланган "Кыргызстандагы мектепке чейинки билим берүү" долбоорунун колдоосу менен "Наристе" программасынын алкагында даярдалып, республиканын мугалимдерине толугу менен таратылды.
