БИШКЕК, 4-фев. — Sputnik. Кыргызстанда 200 миңден ашуун абонент уюлдук байланышсыз калганын Мамлекеттик байланыш агенттиги билдирди.
Жалпысынан 7 миллион 781 миң 524 абоненттен 7 миллион 583 миң 898 пайдалануучу каттоодон өткөн, бул абоненттердин жалпы санынан 97,46 пайызын түзөт.
Мындан улам 202 миң 85 абонент (2,54 пайыз) уюлдук байланышсыз калды.
Мобилдик операторлордун персонификация боюнча маалыматы:
- "Sky Mobile" (Beeline) — 98,92 пайыз
- "Альфа Телеком" (MegaCom) — 96,9 пайыз
- "Нуртелеком" (О!) — 97,4 пайыз.
SIM-карталарды милдеттүү түрдө каттоодон өткөрүү 2014-жылы башталып, 2015-жылдын 8-мартында аягына чыгышы керек болчу. Бирок уюлдук компаниялардын өтүнүчү менен каттоонун мөөнөтү бир нече ирет узартылып, акыркы күн 2016-жылдын 1-февралына белгиленген.
Анонимдүү номерлерди жок кылуу шылуунчулуктун алдын алып, чакыруулардын дайын-дарегин билүү максатында жасалууда.
