БИШКЕК, 4-фев. — Sputnik. Кыргызстандын футбол боюнча курама командасы Дүйнөлүк футбол ассоциациясынын январь рейтингисинде ордун жогорулатканын Футбол федерациясы билдирди.
Декабрь айындагы тизмеде жергиликтүү команда 107-орунда турганы белгилүү болгон.
Ал эми Азия футбол конфедерациясынын тизмесинде кыргызстандык команда 14-орунда.
Өткөн айдын мыкты командасы болуп Палестинанын футболчулары табылган. 21 орунга көтөрүлүп, учурда бул топ рейтингдин 110-катарын ээледи. Ал эми 24 орунга төмөндөп кеткен Ливия айлык эң начар командасы деп табылган.
Алдыдагы үч команда өзгөрүүсүз калды: Бельгия, Аргентина жана Испания. Февралдын жыйынтыгы менен кийинки жаңылануу 3-мартта белгилүү болот.
Кыргызстандык команда өткөн жылдын ноябрь айынын жыйынтыгы менен 2006-жылкы рекордун (119-орун) жаңылап 108-сапты ээледи.
