БИШКЕК, 4-фев. — Sputnik. Малайзиянын "Kolej Mentari" жеке жогорку окуу жайы кыргызстандык студенттер үчүн стипендия каралган 10 орун бөлүп берүүгө даяр экенин Кыргызстандын аталган өлкөдөгү элчилиги билдирди.
Маалыматка ылайык, элчилик өткөн окуу жылдын башынан тартып Малайзиянын эл аралык университеттери менен кызматташуу тууралуу сүйлөшүүлөрдү жүргүзүп келген. Анда кыргызстандык студенттерге стипендия берилүүчү же гранттык орундардын бөлүштүрүлүшү каралган.
Бүгүнкү күндө элчиликтин сунушу боюнча аталган окуу жай иштешүүгө даяр экенин билдирген.
