БИШКЕК, 11-фев. — Sputnik. Бишкектин мурунку башчысы Кубанычбек Кулматов маалымат жыйында ири базарларды борбор калаанын четине чыгаруу керектигин билдирди.
Мындай жооптуу экс-мэр Ош базарынын айланасын иретке келтирүү боюнча берилген суроого айтты.
"Бул жерлерди ишкерлерге жеке менчикке берип салганыбыз менен байланыштуу. Эми аларды кайра ала албайбыз. Менин баамымда инфраструктураны шаардын жанына куруу керек. Бүгүнкү күндүн талабына көбүрөөк жооп берген супермаркеттер пайда болду. Базарларды шаардын четине көчүрүп, ал жерлерди башка максатта пайдалануу керек", — деди ал.
Кулматов Бишкектин башкы планынан "адамдар кайда иштейт" деген суроого жооп таппай койгонун белгиледи.
"Бул маселе абдан кыйын, демек ойлонуш керек. Адамдардын баары эле соодагер эмес да. Бишкек өзүнөн башкаларды да каржылоону башташы керек. Мисалы эгер Сокулукта жаңы ишканалар ачылса, элдин бир бөлүгү ошол жакка барып иштемек", — деди ал.
Шейшемби күнү Кулматов өз ыктыяры менен кызматтан кетүү тууралуу арыз жазган. Мэриянын маалымат кызматы шаар башчынын башка ишке которулуп жатканына байланыштуу жумуштан кетип жатканын айткан. Учурда мэрдин милдетин Айгүл Рыскулова аткарып жатат.
