БИШКЕК, 16-фев. — Sputnik. Америкалык доллардын куну бүгүн бир аз арзандады. Акча алмаштыруучу жайлар аны 74,40 сомдон сатып алып, 74,55 сомдон сатып жатышат.
Эртең менен акча алмаштыруучу жайларда бир АКШ доллары 74,50 сомдон сатып алынып, 75 сомдон сатылган.
Мындан эки ай мурун бир доллардын баасы 76 сомдон кем эмес болуп келген. Азыр доллардын куну түшүп баштады. Эксперттердин баамында доллардын курсу 70 сомго чейин төмөндөшү күтүлөт. Серепчилер анын себебин мунайдын баасы бир аз токтоп, баррелине 35 доллар болуп, ал эми орус рублинин АКШ долларына карата төмөндөшү токтолгондугуна байланыштырып келишет.
Мындан сырткары экономисттер өлкөнүн ичинде көрүлгөн чаралар, Улуттук банк интервенция жасагандыгы өз натыйжасын берип жаткандыгын айтууда.
Айта кетсек, Улуттук банк 28-январдан бери интервенция өткөрө элек.
Белгилүү болгондой, Кыргызстандын экономикасы Казакстан жана Россиядагы абал менен тыгыз байланышта.
Евро менен ЕАЭБ валюталарынын долларга карата куну
