Соттор кеңешинин жаңы курамы бекитилди

БИШКЕК, 22-фев. — Sputnik. Кыргызстандын Соттор кеңешинин жаңы курамы шайланганын Жогорку соттун маалымат кызматы билдирди.

Үстүбүздөгү жылдын 19-февралында соттордун кезектеги Х съезди өтүп, башка маселелер менен бирге ачык добуш берүүнүн негизинде Соттор кеңешинин 15 кишиден турган жаңы курамы бекитилди.

Мындан тышкары, кеңеш алгачкы жыйынын өткөрүп, Канатбек Турганбековду төрагалыкка, Гүлжан Есеналиеваны анын орун басарлыгына шайлады.

Соттор кеңешинин жаңы курамы:

1. Канатбек Турганбеков, Судьялар кеңешинин төрагасы, Жогорку Соттун судьясы;
2. Гүлжан Есеналиева, Судьялар кеңешинин төрагасынын орун басары, Бишкек шаарынын райондор аралык сотунун төрайымы;
3. Жамалкан Исакова, Жогорку Соттун судьясы;
4. Кыдык Жунушпаев, Чүй облустук сотунун төрагасы; 
5. Сооронбай Карабаев, Баткен облустук сотунун төрагасы;
6. Абылай Мухамеджанов, Жогорку Соттун судьясы;
7. Чолпон Осмонова, Жогорку Соттун Конституциялык палатасынын судьясы; 
8. Ирина Воронцова, Бишкек шаардык сотунун төрагасынын милдетин аткаруучу; 
9. Абдрасул Шамшиев, Ош облустук сотунун төрагасы; 
10. Жолборс Кудаяров, Ош шаардык сотунун судьясы;
11. Мухамед Алаев, Жалал-Абад облустук сотунун төрагасынын орун басары;
12. Токтосун уулу Каныбек, Талас облустук сотунун судьясы; 
13. Алдаярбек Абдыбеков, Нарын облустук сотунун төрагасынын милдетин аткаруучу; 
14. Таалайбек Даркинбаев, Ысык-Көл облусунун райондор аралык сотунун төрагасы; 
15. Нурланбек Ашымбеков, Аскер сотунун төрагасы.