Ош, 25-фев. — Sputnik. Ош шаарында Фергана өрөөнүнүн алкагында "Жибек жолу-2016" аттуу эл аралык көргөзмө-жармаңке ачылды.
Уюштуруучулардын айтымында, Кыргызстандын агроишкерлер ассоциациясынын директору Азиза Юлдашеванын айтымында, көргөзмөгө Кыргызстан, Россия, Казакстан, Голландия, Түркия, АКШ, Испания, Түштүк Корея жана башка мамлекеттерден келген 40ка чукул компания жана жеке өндүрүүчүлөрдүн өкүлдөрү катышууда.
"Жармаңкенин негизги максаты — Фергана өрөөнүндөгү соода байланыштарын түзүү үчүн аймактык базарлардын дилерлерин жана эл аралык айыл чарба тармагын бириктирүү. Бул түшүмдүүлүктү жогорулатууга шарт түзөт", — деди Юлдашева.
Анын айтымында, быйыл көргөзмө айыл чарба товарларын өндүрүүчүлөрү үчүн базарды өнүктүрүү жана рынокторду кеңейтүү менен фермерлерди колдоого арналат.
