БИШКЕК, 27-фев. — Sputnik. Баткендин мамлекеттик чек арага жакын жайгашкан Кызыл-Бел айылында кадамжайлык 56 жаштагы тургун 2 килограмм маңзат менен кармалды. Бул туурасында ИИМдин маалымат кызматы билдирди.
ИИМдин Маңзаттарды мыйзамсыз айлантууга каршы күрөшүү бөлүмүнүн кызматкерлери
Баткен облусунун РИИБ өкүлдөрү ал адамды атайын рейддин жүрүшүндө торго түшүргөн.
"Кечээ кечинде, саат кечки сегиздерге чукул мамлекетик чек арага жакын Кара-Бак айыл өкмөтүнө караштуу Кызыл-Бел айылында 2 килограмм маңзат менен Кадамжай районун жашоочусу кармалды. Тинтүү учурунда эки башка целлофонга оролгон героин жыттанган кесек жана тоголоктолгон зат табылды",— деп билдирди маалымат кызматы.
Учурда табылган заттар баштыгы менен экспертизага жөнөтүлдү.
ИИМдин алдын ала берген маалыматтарында, кармалган киши мурда баңгизаты боюнча кылмыш жоопкерчилигине тартылган.
