БИШКЕК, 13-мар. — Sputnik. Ош шаарында алгачкы ирет кытай, казак жана кыргыз акындарынын айтышы болоорун Ош шаардык маданият башкармалыгынын жетекчиси Топчубай Досбаев билдирди.
Анын айтымында акындардын айтышы 19-21-март күндөрү Султан Ибраимов атындагы Ош улуттук драма театрында өтөт.
Иш-чараны СССРдин эл артисти Болот Шамшиев, Ош шаардык мэриясы жана "Алтын комуз" продюссердик борбору уюуштурууда.
"Аталган иш-чарада үч өлкөдөн келген акындар "Акындардын падышасы — Ош-Нооруз-2016" наамы үчүн атаандашат", — дейт Досбаев.
Акындардын айтышында Түгөлбай Казаков, Эгемберди Эрматовдор баш болгон акындар, жана маданият өкүлдөрү калыстык кылышат.
