БИШКЕК, 16-мар — Sputnik. Кайгуул милициясынын башкы башкармалыгынын кызматкерлери үчүн атайын форма тигилгенин маалымат жыйында ИИМдин Башкы штабынын жетекчиси Бактыгул Абдыжалиев билдирди.
Анын айтымында, кайгуул милициясын түзүү 2012-жылы эле башталып, 1-апрелден тарта Жол кайгуул кызматы менен Кайгуул посттук кызматтардын бириктирилет. Бул жаңылык алгач Бишкек шаары менен Чүй жана Ысык-Көл облустарында сыноодон өтүп, 1-июлдан тартып бардык региондо иштей баштайт.
"Кызматкерлер үчүн жаңы форма тигилди. Муну менен бирге алардын төшүнө видеокаттоочу түзүлүш тагылат. Үзгүлтүксүз сегиз саатка чейин иштейт", — деди ал.
Абдыжалиев мындай аракеттер калктын ыңгайлуулугу үчүн жасалып жатканын белгиледи. Анын айтымында, практика адамдар милицияга ар кандай маселелер менен көп кайрыларын, мындан улам, аталган кызмат универсалдуу болушу күтүлүүдө. Кайгуул милициясы күнү-түнү тынбай иштейт.
