БИШКЕК, 17-мар. — Sputnik. Кыргызстанда мектеп музейлери менен музей көргөзмөлөрүнүн сынагы өтүп жатканын Билим берүү жана илим министрлиги билдирди.
Маалыматка ылайык, иш-чара Дүйнөлүк көчмөндөр оюндарына карата уюштурулууда. Ага мектептеги музейлер, тарыхый, этнографиялык, адабий жана аймак таануу багытындагы залдар катышууда.
"Конкурс "Туулган жерим" деп аталган республикалык экспедициянын алкагында аймак тууралуу кошумча маалымат алууга мүмкүнчүлүк берип, "Мектеп музейлери", "Этнография", "Туулган жердин тарыхы", "Ата Журттун тарыхы", "Улуу Жибек Жолу" багыты боюнча өтөт", — деп айтылат билдирүүдө.
20-майга чейин созула турган сынакты республикалык мекемелер аралык комиссия баалайт.
