БИШКЕК, 22-мар. — Sputnik. Үстүбүздөгү жылдын январь-февраль айларында кайсы товардын өндүрүшү кыскарганын Улуттук статистикалык комитет иликтеп чыкты. Ал эми Sputnik Кыргызстан алардын рейтингин түзүп чыкты.
- Этил спирти. Эки айдын ичинде спирт өндүрүүнүн көлөмү 7 эсеге азайган! Эгер 2015-жылы январь-февраль айларында 1,1 миллион литр спирт өндүрүлсө, быйыл бул көрсөткүч 163 миң литрге чамалаган.
- Былтыркы ушул маалга караганда Кыргызстанда ич кийим өндүрүүнүн көлөмү да кыскарган. Акыркы эки ай ичинде 86 миң түрү чыккан.
- Байпак менен колготкилердин саны да 65 пайызга азайган.
- Тамеки. Каралып жаткан убакыт аралыгында бул тармак 62 пайызга кыскарды. Былтыр бул маалда 800 миң тонна тамеки өндүрүлсө, быйыл январь-февралда 300 миң тоннага жетет.
- Шире. Анын көлөмү 61 пайызга кыскарган.
- Макарон менен кесме өндүрүүнүн көлөмү 2,5 эсеге азайды. Эки айдын аралыгында болгону 1,4 миллион тонна кесме өндүрүлгөн.
- Кирпич. Быйыл өндүрүлгөн кирпичтин саны 200 чарчы метрлик 44 эки кабаттуу үйдүн курулушуна жетет. Былтыр буга 103 үй курууга мүмкүн болчу.
