БИШКЕК, 22-мар. — Sputnik. Тышкы иштер министри Эрлан Абдылдаев президентке чек ара коопсуздугун камсыз кылуу боюнча көрүлүп жаткан чаралар тууралуу айтып берди. Бул тууралуу өлкө башчынын маалымат кызматы билдирди.
Бүгүн президент Алмазбек Атамбаев ТИМ жетекчисин кабыл алып, өлкөнүн тышкы саясий ишмердиги жана анын негизги багыттарын өнүктүрүү жолдорун талкуулады.
Абдылдаев Кыргызстандын улуттук таламдарын коргоо жаатындагы демилгелер, анын ичинде чек ара коопсуздугун камсыз кылуу боюнча жасалып жаткан иштер жөнүндө айтып берди.
Президент Тышкы иштер министрлиги өлкөнүн улуттук таламдарын коргоо милдеттерин эл аралык укук нормаларына ылайык өз маалында жана так ишке ашыруу үчүн тыкыр жана салмактуу мамилени талап кылган проблемаларды конструктивдүү чечүүгө багытталган курсту кыйшаюусуз улантуу зарылдыгын баса белгиледи.
