БИШКЕК, 23-мар. — Sputnik. Ушул сезондон баштап Кыргызстандын Футбол лигасы (КФЛ) Топ-лиганын ар айдагы мыкты футболчусун аныктай баштайт.
Сезон 10-мартта башталды. Бул убакытта эки тур өтүп, алты оюн ойнолду. Маалыматка ылайык, жеңүүчү кийинки айдын биринчи аптасында КФЛнын сайтында күйөрмандардын добушу менен аныкталат.
Март айынын мыкты футболчусуна төмөнкү оюнчулар талапкер болууда:
Дастан Кылычбеков ("Ала-Тоо" клубу). "Ала-Тоо" — "Кара-Балта" оюнунда (4:1) мыкты футболчу болуп аныкталган. Үч гол үчүн ыңгайлуу шарт түзүп берген;
Алиа Силла ("Алай"). "Абдыш-Ата" — "Алай" оюнунда (0:1) мыкты футболчусу болгон. Эки оюнда эки топ киргизген;
Рустем Усанов ("Алга"). "Алга" – "Дордой" (0:0) беттешүүсүндө мыкты оюн көрсөткөн;
Роман Ковалев ("Кара-Балта"). "Кара-Балта" – "Алдиер" (4:2) оюнунда мыкты оюнчу болуп табылды. Эки топ киргизип, бир голго ыңгайлуу шарт түзүп берген;
Максат Алимов ("Алай"). "Алай" – "Ала-Тоо" (4:0) оюнунун мыкты футболчусу. Бир гол киргизген;
Ислам Шамшиев ("Дордой"). "Дордой" – "Абдыш-Ата" (2:1) оюнунун мыкты футболчусу болуп аныкталган. Дарбазага бир топ киргизген.
