БИШКЕК, 23-мар. — Sputnik. Жыл башынан бери биттеген кыргызстандыктардын саны былтыркы жылдын ушул маалына салыштырмалуу 14 эсеге көбөйгөнү Улуттук статистикалык комитеттин отчетунда айтылат.
Ага ылайык, 50 миң тургундун бирөө педикулез дартына чалдыккан. Бирок жугуштуу оорулардын алдыңкы катарында сасык тумоо турат. Январь-февраль айынын аралыгында ар бир миңинчи кыргызстандык бул дартка чалдыгып, былтыркыга караганда 1,4 эсеге көбөйгөн.
Грипп менен ооруган жарандардын саны 2,5 эсеге жогорулаган: мында 10 миң кишинин бирөө гриппке тушуккан. Ал эми сифилис дартына 100 миң кишинин бири чалдыгып, былтыркыга караганда ооругандардын саны 25 пайызга көбөйгөн.
