БИШКЕК, 30-мар. — Sputnik. Президент Алмазбек Атамбаев Улуттук гвардия үчүн каражаттын бөлүнүшү каралган мыйзамга кол койгонун өлкө башчынын маалымат кызматы билдирди.
"Кыргыз Республикасынын жарандарынын жалпыга бирдей аскердик милдети жөнүндө жана альтернативдик кызматтар жөнүндө" мыйзамына киргизилген өзгөртүүлөр Жогорку Кенеши тарабынан 2016-жылдын 17-февралында кабыл алынган.
Мыйзам алгачкы аскерий жыйындарда жана альтернативдик кызматта жүргөн жарандардан түшкөн төгүмдөрдүн суммасынын 10 пайызын атайын эсепке которуу жолу менен Улуттук гвардиянын материалдык-техникалык жактан камсыздоону арттырууну максаттайт.
Мыйзам расмий жарыяланган күндөн тартып он күн өткөндөн кийин күчүнө кирет.
