"Манас проспектиси менен Киев көчөсүнүн кесилишинде жол кырсыгы катталды. Анда Mersedes жана Mazda үлгүсүндөгү унаалар кагышып, бирөөсү өрттөнүп кетти", — деп билдирди Өрт коопсуздугу кызматынын кызматкери Нурлан Ташмамбетов.
Маалыматка ылайык, эки киши жаракат алып, "Тез жардам" кызматы алып кеткен.
Жол кырсыктын кесепетинен үч унаа жабыркаган.
Жол кайгуул кызматкери билдиргендей, жол кырсыгын жараткан айдоочу унааны саатына 100 чакырым ылдамдыкта айдаган. Ал эки унааны кагып кетип, жол боюндагы түркүктү сүзүп барып токтогон.
Кырсык болгон жерге өрт өчүрүүчү бир унаа келип, аны толугу менен өчүрүп калды.
