БИШКЕК, 3-апр. — Sputnik. "Барселонанын" аймагында ойногон атаандашын Мадриддин "Реалы" 1:2 эсебинде утуп алды.
"Эль классико"деп аталган оюндар Барселона шаарындагы "Камп Ноу" стадионунда (Бишкек убактысы менен алганда 00.30та болду).
Топту көзөмөлдөп туруу оюн талаасынын ээсинде болду. "Барселона" чабуулчусу Луис Суарез биринчи таймда топту киргизүүгө эң сонун мүмкүнчүлүк алганы менен дарбазага киргизи алган жок. Ал эми "Реалдан" Карим Бензема атаандашынан артыкчылык кылганы байкалып турду. Анткен менен биринчи тайм эсеп ачылбаган боюнча аяктады.
Күйөрмандардын кыйкырыгынан стадион жарылып кетчүдөй ирмем экинчи таймда болуп, 56-мүнөттө каталониялык команданын коргоочусу Жерар Пике башы менен топту дарбаза киргизип, эсепти ачты. Алты мүнөт өтпөй мадриддиктер эсепти теңдеп — Бензема акробаттык чеберчилиги менен топту киргизди.
Экинчи таймда "Барселонанын" жылдыздарынын бири Лионель Мессинин жогорку бурчтан күү менен тепкен тобун "Реал" дабразачысы Кейлор Навас манжаларынын учу менен башка жакка бурганга үлгүрдү! Оюндун 82-мүнөтүндө жарым коргоочу Гарэт Бэйл башы менен киргизген голду калыс жаратпай салды.
Эми бул командалардын арасында айырмачылык жети упай болду. "Барселона" биринчи орунда (76 упай) турса, ал эми "Реалдын" 69 упайы бар. Булардын ортосунда 70 упайы менен "Атлетико" турат. Чемпиондукка ат салышууга "Реалдын" теориялык жаткан мүмкүнчүлүгү бар.
