БИШКЕК, 3-апр. — Sputnik. Борбор калаадагы акча алмаштыруу жайларында американын валютасы арзандап, бир доллар 68 сомдон төмөн болууда.
Ишемби күнү бир АКШ доллары 67,77 сомдон сатып алынып, 68,22 сомдон сатылган.
Ал эми бүгүн доллар 67,5 сомдон сатып алынып, 67,9 сомдон сатылууда.
Улуттук банктын расмий курсуна ылайык, бир АКШ доллары 69,45 сомду түздү.
Жума күнү, 1-апрелде Улуттук банк 6 миллион 650 миң доллар сатып алды. Жыл башынан бери валюта рыногунан 86 миллион 420 миң доллар сатып алган. Ошол эле учурда 77,4 миллион долларды сатыкка чыгарган.
Улуттук банк валюталар курсун туруктуу кармап туруу үчүн интервенцияларды жасап келет.
Жыл башында бир АКШ доллары 76 сом болгон.
