БИШКЕК, 15-апр. — Sputnik. Чүй облустук Кайгуул милициясы тарабынан мейманканада ызы-чуу салып, администратор менен урушкан 25 жаштагы жаран кармалды. Бул тууралуу Чүй облустук ички иштер башкармалыгынын маалымат кызматы билдирди.
14 Чын Куран 2016, 17:31
Ага ылайык, Москва районунун ички иштер башкармалыгына мейманкананын ээси арыз менен кайрылган.
Жабырлануучу 13-апрель күнү 19:30да мейманканага мас абалында 25 жаштагы жаран кирип, эмерек, идиш-аяктарды талкалап, администратордун ден-соолугуна залал келтиргенин айткан.
Арыздын негизинде милиция кызматкерлери 25 жаштагы кылмышка шектүү жаранды кармашты.
Учурда тергөө амалдары жүрүп жатат.
