БИШКЕК, 21-апр. — Sputnik. Ошто экстремисттик көрүнүштөрдү алдын алуу боюнча милиция кызматкерлерине бир апталык тренинг өтүлүүдө. Бул тууралуу Ички иштер министрлигинин маалымат кызматы билдирди.
2 Чын Куран 2016, 14:10
Иш-чараны ИИМдин 10-башкы башкармалыгы "Ыйман" фонду менен биргеликте уюштурууда.
Милиция кызматкерлери үчүн тренингди теологдор, дин тануучулар жана конфликтология боюнча адистер өтүшүүдө.
Белгилей кетсек, ИИМ башчысы Мелис Турганбаевдин жарлыгы менен 10-башкы башкармалыгынын алдында радикализмди алдын алуу, экстремизм менен күрөшүү боюнча милиция кызматкерлерин даярдоочу бөлүм ачылган.
Аталган бөлүм өлкө боюнча экстремизм, радикализм жана диний абалга көзөмөл жүргүзүп турат.
