БИШКЕК, 23-апр. — Sputnik. Жалал-Абаддагы медициналык колледждин мугалимдери студенттерден камкордук фонду үчүн деп акча чогултуп, аны кымырып алышкан. Бул тууралуу ИИМдин маалымат кызматы билдирди.
Окуу жайдын мугалимдери 2015-жылы студенттерден чогулган 351 миң сомду жалган документтерди жасоо аркылуу кымырып алышкан. Мыйзамсыз иштер Жалал-Абад ИИББдин 5-бөлүмүнүн кызматкерлери тарабынан жүргүзүлгөн ыкчам иштери учурунда билинген.
Аталган факты боюнча Кылмыш жаза кодексинин 171-беренеси (ишенип берилген мүлктү коротуу) жана 350-беренеси (документтерди, мөөрлөрдү жасалмалоо) боюнча кылмыш иши козголду.
Тергөө амалдары улантылууда.
