БИШКЕК, 27-апр. — Sputnik. Балдардын үй-интернаттарында 8,2 миңден ашык бала жашайт. Бул тууралуу Эмгек жана социалдык өнүгүү министрлигинин маалымат кызматы билдирди.
Министрликтин райондук жана шаардык башкармалыктарынын маалыматына ылайык, өлкө аймагындагы балдар үйлөрүндө 8 265 бала жашайт.
Анын ичинен мамлекеттик үй-интернаттарда 6 миң 734 бала тарбияланса, ал эми 1 531 бала жеке, диний жана муниципалдык мекемелерде тарбия алат.
Мамлекеттин камкордугуна алынган балдардын ичинен 510 бала тоголок жетим.
Министрликтин аймактардагы башкармалыктарынын маалыматы боюнча 1-апрелге карата ата-энесинин камкордугуна ажыраган 146 бала интернаттарга жиберилген.
