Саат 17:30 чамасында Алмалуу-Булак айылынын Үч-Чат жайлоосунда 100 миң метр куб жер көчкү жүрүп, бир үйдү басып калган. Ал эми саат 18.00дөр чамасында Башы тилкесинде болжол менен 1 миллион 600 миң куб метр жер көчкүсү жүрүп, алты турак жайды жана 14 жашар баланы басып калган.
Алдын ала маалымат боюнча балдардын бирөө качып чыгууга үлгүрсө, бирөө жетишпей калган.
Издөө иштери жүрүп, ага төрт куткаруучу, ӨКМдин куткаруу отрядынан 22 куткаруучу чыгып кетти.
Өзгөчө кырдаалдар министри Кубатбек Бороновдун тапшырмасы менен анын орун басары Равшан Рысбаев кырсык болгон жерде издөө-куткаруу иштерине жетекчилик кылып жүрөт.
