БИШКЕК, 1-май. — Sputnik. Өкмөт башчы Сооронбай Жээнбеков кыргыз элин 1-май майрамы менен куттуктады.
Премьер-министр өз сөзүндө быйылкы жыл Кыргызстан үчүн өзгөчө жыл экенин белгилеп, ЕАЭБге кошулуусун чоң жетишкендик экенин айтты.
"Ушул шартта ар бирибиз шымаланып эмгектенип, балдарыбыздын, неберелерибиздин, жакын адамдарыбыздын жакшы турмушун камсыз кылууга умтулуубуз мамлекетибиздин өнүгүүсүнүн негизи болуп саналат", — деп айтылат өкмөт башчынын куттуктоо сөзүндө.
Премьер-министр эң башкы тилек ынтымак экенин билдирип, ар бир адамдын эмгеги татыктуу баалануусуна аракет кылуу керектигин кошмчалады.
Кыргыз элин 1-май майрамы менен буга чейин президент Алмазбек Атамбаев жана төрага Чыныбай Турсунбеков да куттуктаган.
