БИШКЕК, 2-май — Sputnik. Лебединовка айылында 34 жаштагы жаранга белгисиз адам себепсиз бычак сайган. Бул тууралуу Чүй облустук ички иштер башкармалыгынан билдиришти.
30 Чын Куран 2016, 15:19
Маалыматта айтылгандай, 30-апрелде түнкү саат 02.30 чамасында 55-60 жаштагы жаран эч себеби жок 34 жаштагы бишкектик жаранга бычак сайган.
Аталган факты боюнча Кылмыш жаза кодексинин 112-беренеси боюнча кылмыш иши козголгон. Ыкчам иликтөөнүн негизинде 55 жаштагы Лебединовка айылынын тургуну кармалды.
Шектүү убактылуу кармоочу жайга киргизилди. Тергөө иштери уланууда.
