БИШКЕК, 3-май — Sputnik. Кыргызстандык үч бийчи россиялык "Танцы" шоусунун кийинки туруна өткөнүн катышуучулардын жакын таанышы Рыскүл Керимбаева билдирди.
Бийчилер Жан Воинов, Нурсултан Алибеков менен Тилан Садырбаевди калыстар бир добуштан колдоп, кийинки турга өтүүгө мүмкүнчүлүк берген.
Тандоо туру 1-майда өтүп, ал сентябрда ТНТ каналынан көрсөтүлөт.
Кыргызстандык бийчи Жан Воинов поппинг стилинде бийлейт, Тилан Садырбаев хип-хоп боюнча мыкты. Ал буга чейин "Танцы" телешоусуна катышып, финалга өтпөй калган. Ал эми Нурсултан Алибеков болсо MOSCOW ELECTRO BEAT 3 FINAL конкурсунун финалына катышкан. Бул бийчи хип-хоп жана поппинг стилинде бийлейт.
