БИШКЕК, 3-май. — Sputnik. ӨКМ куткаруучулары сууга чөгүп кеткен алты жашар баланын денесин табышты. Бул тууралуу аталган мекеме билдирди.
Маалыматка ылайык, Аламүдүн районунун Дордой-2 айылында жашаган бала үстүбүздөгү жылдын 2-майында Аламүдүн суусуна чөгүп кеткен. Бир саатка созулган куткаруу иштеринин натыйжасында саат 07:30да куткаруучулар тарабынан алты жашар баланын жансыз денеси табылган.
Баланын сөөгү туугандарына өткөрүп берилген.
